Innovación nas aulas de portugués

 Ola grupo! Despois do duro traballo que fixéchedes e do merecido descanso do Nadal, traiovos a planificación para os seguintes bloques que imos traballar. Espero que vos pareza interesante!! Conteúdos para a próxima unidade de Rita Garcia Miranda

 Bom dia!! Visto que se achega o dia 1 de Dezembro, dia "feriado" en Portugal, creo que é a ocasión perfecta para compartir convosco un pouco de historia. Non vos dou moita información porque está toda no vídeo, que ademáis ten preguntas que deberedes responder mentres o vedes. Sorte!

 Ola novamente!! Para esta última actividade do plan de festas quero amosarvos algo de contido sobre como se vive o Natal no Brasil, xa que ali a nosa festa do inverno acontece en pleno verán! De todos xeitos, veredes neste vídeo que as decoracións de Natal ali crean unha paisaxe tan invernal como as nosas, con bonecos de neve con "cachecol"! Como probablemente xa vos teredes fixado, o portugués brasileiro ten certas diferenzas con respecto ao de Portugal na colocación dos pronomes, de forma que vos poño aquí este exercicio para que entendades un pouco as posibilidades de colocación e practiquedes!

 Ola outra vez! Para a segunda actividade desta temática, despois de terdes falado sobre as vosas tradicións de Nadal, é hora de coñecerdes as tradicións portuguesas para estas datas.  Con este propósito propóñovos esta pequena lectura resumo , de onde deberedes escoller un elemento en concreto, como o bolo-rei ou a missa do galo, para elaborar un pequeno texto, dunhas 300-400 palabras, que me entregaredes en formato dixital con algunha fotografía ou debuxo ilustrativo, semellante ao que atoparedes ao escanear este código QR, un póster de canva que xa coñecedes, só que o voso deberá conter máis texto: Tamén vos quero deixar por aquí este exercicio de vocabulario de temática "natalina" mais universal (elaborado con imaxes de freepik ) A carregar…

  Bom Natal!   Ola a tod@s! Despois de termos completado a programación inicial do curso que vos presentei, traiovos o novo plan de actividades para este mes de decembro, cuxa temática será a festa mais sinalada do inverno en Portugal, o Natal. Para esta primeira actividade realizaredes unha entrevista en formato podcast por parellas, onde cada membro pasará polos dous roles, entrevistador/a e entrevistad@, sobre temas como os vosos plans para o Nadal, as tradicións desta festa na vosa familia, outra celebración que poidades comparar co Nadal se na vosa cultura non se celebra, o menú típico de Nadal na vosa casa, ou algún outro tema que me propoñades relacionado con este tema. Deberedes grabar a entrevista, cunha duración aproximada de 6 minutos en total, para o cal vos suxiro estas ferramentas , e compartila comigo para que vos devolva un feedback en termos de expresión lingüística.  Despois, se todo o grupo está de acordo, poderemos xuntar as diferentes entrevistas e obter un

 A modo de dosier de actividades, este primeiro tema de deseño curricular caracterizouse, principalmente, por actividades de avaliación diagnóstica que nos permitiron retomar ideas e contidos vistos en materias previas, así como facilitar o seu enlazamento cos novos contidos, específicos do ensino de linguas estranxeiras. Así, predominaron os tests e cuestionarios, grupais e individuais, que para alén de medir os nosos coñecementos previos, tamén nos axudaron a afianzar os novos dun xeito dinámico, especialmente tendo en conta o carácter denso da materia lexislativa. Tamén houbo, naturalmente, unha parte expositiva de contidos teóricos, que se seguiu das nosas presentacións grupais, cuxa preparación aprofundou o noso coñecemento neses elementos e organización curriculares dos diferentes niveis e réximes educativos. No caso do grupo en que eu traballei, concretamente tivemos a oportunidade de abordar o ensino de linguas estranxeiras nos diferentes niveis de Formación Profesional, algo

  Ola a tod@s! Antes de comezarmos coas actividades que xa sabedes que vos vou pedir para este curso, quero deixarvos por aquí, a maiores, un vídeo que ademáis de servirvos para aprender vocabulario de pastelaría en portugués, tamén vos pode servir para preparar os deliciosos pastéis de nata que tanto nos gustan aos portugueses, e a todo o mundo! Espero que estes premios vos sirvan de fonte de motivación para aprender a lingua... Unha aperta, Rita

  Programação atividades de Rita Garcia Miranda Ola grupo!! Volvo por aquí para deixarvos esta liña do tempo coas actividades para as próximas sesións, de xeito que teñades tempo para prepararvos para os tipos de traballo que imos levar a cabo. Así tamén podedes ir pensando en amostras de literatura, música etc. que coñezades e poidades querer suxerir para traballarmos! Unha aperta, Rita

  Esta son eu... de Rita Garcia Miranda Ola!! Creo que non fai falla que me presente outra vez... Deixeivos aquí esta pequena presentación miña para que comecedes a coñecerme, agora que vamos aprender xunt@s a través deste canal de comunicación, onde pretendo deixarvos contidos e actividades de guía para a vosa aprendizaxe da lingua portuguesa. Unha aperta, e estade atent@s ás próximas publicacións!